Ümid Babək Əməliyyat Şirkəti “Ümid” yatağında qaz hasilatının həcminin 12 MSm³/günə çatdırılması üçün işlənmə layihəsini həyata keçirir və istehsal hədəflərinə nail olmaq üçün yeni dəniz qurğuları quraşdırılacaqdır.

“Ümid-2” layihəsi “Daşgil-2” Terminalına 20” çoxfazalı qaz ixrac boru kəməri vasitəsilə mövcud sualtı infrastruktura qoşulmaqla, “Ümid” yatağının Şimal qanadında dəniz özülü platformasının tikintisi və quraşdırılmasından ibarətdir.

Qiymətləndirmə quyusunun qazılması başa çatdıqdan sonra “Ümid” yatağının Cənub qanadında “HUB” platformasının və “Quyubaşı” platformasının tikintisi və quraşdırılması ilə “Ümid” yatağının işlənməsi daha da genişləndiriləcəkdir.