2022-ci il oktyabrın 19-da Azərbaycan Respublikasının Dövlət Neft Şirkəti (SOCAR) ilə Rumıniyanın “ROMGAZ” şirkəti arasında Anlaşma Memorandumu imzalanıb.

Azərbaycan Respublikası Dövlət Neft Şirkətinin (SOCAR) prezidenti Rövşən Nəcəf 2022-ci il sentyabrın 21-də İsrailin ölkəmizdəki fövqəladə və səlahiyyətli səfiri Corc Dik ilə görüşüb.

2022-ci il sentyabrın 27-də Anım Günü ilə əlaqədar Azərbaycan Respublikası Dövlət Neft Şirkətində (SOCAR) çalışan Vətən müharibəsi qaziləri və müharibədə şəhid olmuş əməkdaşların ailə üzvləri ilə görüş keçirilib.

Sentyabrın 24-də Bakı Ali Neft Məktəbində (BANM) Azərbaycan Respublikası Dövlət Neft Şirkətinin (SOCAR) və Dördüncü Sənaye İnqilabının Təhlili və Koordinasiya Mərkəzinin (4SİM) birgə təşkilatçılığı ilə keçirilən “Enerji və Dördüncü Sənaye İnqilabı” hakaton müsabiqəsinin qaliblərinin mükafatlandırılma mərasimi keçirilib.

19-20 oktyabr tarixlərində “Ümid Babək Əməliyyat Şirkəti”nin (UBOC) U1-22 saylı quyusunun uğurla istismara verilməsini qeyd etmək və əməkdaşlar arasında komanda ruhunu gücləndirmək məqsədilə “Team Building” tədbiri baş tutub. UBOC-un filial direktoru Rəhim Cavadovun iştirakı ilə keçirilən tədbirdə, əməkdaşlarımız arasında iki fərqli intellektual komanda oyunları keçirilib. Bu oyunlar, əməkdaşlarımıza əyləncəli anlar yaşatmaqla yanaşı, komandalarımızın bir-birini daha yaxından tanımasına və birgə əməkdaşlıq bacarıqlarını inkişaf etdirməsinə imkan yaradıb. Tədbirdə 200-ə yaxın əməkdaş iştirak edib. “Team Building” tədbiri çərçivəsində keçirilən Qala Mərasimində komanda oyunlarında qalib yer tutan komandalarına hədiyyələr təqdim edilib. Eyni zamanda, U1-22 saylı quyunun uğurla istismara verilməsində əldə olunan nailiyyətlərə görə əməkdaşlar sertifikatla təltif olunublar. İştirak edən hər bir əməkdaşımıza dərin təşəkkürümüzü bildirir, birlikdə daha çox uğurlu layihələrə imza atmağı arzu edirik!