Qurbanov Əli Qurban oğlu 1991-ci ildə Azərbaycan Neft və Kimya İnstitunu “Neft və qaz yataqlarının işlənməsinin texnologiyası və kompleks mexanikləşdirilməsi” ixtisası üzrə bitirmişdir. Əmək fəaliyyətinə 1991-ci ildə “28 May” adına Neft Qaz Çıxarma İdarəsində 4-cü dərəcəli neft qaz çıxarma operatoru kimi başlamış və 1998-ci ilə qədər həmin idarədə Özül rəisi vəzifəsinə qədər yüksəlmişdir. 1998-ci ildən başlayaraq BP şirkətində fəaliyyətini davam etdirmiş, 2011-ci ilə qədər Böyük Britaniya, Amerika Birləşmiş Ştatları və Azərbaycanda müxtəlif layihələrdə işləmişdir. 2011-ci ildən başlayaraq ARDNŞ-in baş ofisində neftin, qazın hasilatı və nəqli üzrə vitse-prezidentin neft-qaz hasilatı üzrə müavini vəzifəsində fəaliyyət göstərmişdir. Əli Qurbanov 2017-ci ildən etibarən “Umid Babək Əmliyyat Şirkətinin” Azərbaycan Respublikasındakı filialının direktorudur.

Rəhim Cavadov 1993-cü ildə Azərbaycan Texniki Universitetinin (ATU) Elektrotexnika mühəndisliyi fakultəsinə daxil olub, 1998-ci ildə bakalavr, 2004-cü ildə isə magistratura proqramını bitirib. Əmək fəaliyyətinə 2002-ci ildə “Azərbaycan John Brown” QSC-də mühəndis konstruktor kimi başlamış və 2006-cı ilə qədər həmin şirkətdə müxtəlif layihələrdə fəaliyyət göstərmişdir. 2006-2013-ci illərdə ardıcıl olaraq MCDERMOTT şirkətinin Azərbaycan, Qətər, Dubay, Astraxan, Orta Asiya ofislərində çalışmışdır. 2013-cü ildən - 2022-ci ilə qədər AMEC şirkətinin Abu-Dabi ofisində fəaliyyətinə başa vurduqdan sonra Umid Babək Əməliyyat Şirkətində işə başlamışdır. Rəhim Cavadov 2022-ci il 15 noyabr tarixdən UBOC şirkətində Əməliyyatlar Qrupunun meneceri vəzifəsinə təyin edilmişdir.

Zümrüd Musaeva 2011-ci ildə Bakı Dövlət Universitetinin Beynəlxalq münasibətlər və beynəlxalq hüquq fakültəsinin Beynəlxalq hüquq üzrə bakalavr, 2013-cü ildə isə həmin universitetdə Kommersiya hüququ ixtisası üzrə magistr dərəcəsini fərqlənmə ilə bitirmişdir. O, ikinci magistr dərəcəsini Enerji hüququ üzrə Amerika Birləşmış Ştatlarında dünyanın dəniz və enerji hüququ üzrə ən qabaqcıl universitetlərindən hesab edilən Tuleyn Universitetində almışdır. Əmək fəaliyyətinə 2013-cü ildə Bakı Dövlət Universitetinin hüquq fakültəsində müəllim kimi başlamış və 2015-ci ildən isə Dəniz və Enerji hüququ fakültəsində magist pilləsi üzrə ingilis dilində dərslər tədris etmişdir. Tədris etdiyi müddət ərzində neft və qaz hüququna dair bir çox araşdırmalar aparmış və məqalələri müxtəlif jurnallarda dərc edilmişdir. Eyni zamanda, neft və qeyri-neft sektoru üzrə müxtəlif istehsalat müəssisələrinvə və UBOC-da işləmiş, 2022-ci il 15 noyabr tarixdən isə UBOC şirkətində Korporativ qrup üzrə menecer vəzifəsində çalışmaqdadır.

Bayramov İntiqam Şəmistan oğlu 1985-ci ildə M. Əzizbəyov adına Azərbaycan Neft və Kimya İnstitutuna daxil olmuşdur, 1990-cı ildə faydalı qazıntı yataqlarının axtarış və kəşfiyyatının geofiziki üsulları ixtisası üzrə tam kursu bitirərək, dağ mühəndisi geofizik ixtisasına yiyələnmişdir. Əmək fəaliyyətinə 1990-cı ildə “Xəzərdənizgeofizika” trestində mühəndis geofizik kimi başlamış və 2006-cı ilə kimi SOCAR-ın müxtəlif strukturlarında mühəndis-geoloq kimi çalışmışdır. 2006-2009-cu illərdə “Azəridrillinq” qazma şirkətində sahə geoloqu, baş mühəndisin qazma üzrə müavini, 2009-2022-ci illərdə isə “SOCAR-ÜMİD” MMC və UBOC əməliyyat şirkətində geologiya işləri üzrə menecer vəzifəsində işləmişdir. Ümid yatağının kəşfindəki xüsusi xidmətinə görə isə SOCAR rəhbərliyi tərəfindən “Fəxri neftçi” döş nişanı ilə təltif olunmuşdur. İntiqam Bayramov 2022-ci il 15 noyabr tarixdən UBOC şirkətində Texniki qrupunun meneceri vəzifəsinə təyin edilmişdir.